1. Xornada formativa. Esta xornada pretende ser dirixida ao voluntariado de Scouts de Galicia, pero tamén aberta a toda aquela mocidade que pretenda formar parte da mesma. Esta xornada divídese en dous módulos:
1.2. Formación en igualdade para a prevención e o afrontamento da violencia de xénero.

1.1. Programa de Xóvenes de Scouts de Galicia. Ensinarase o modo de proceder como voluntarios/as do movemento a través da educación pola acción, a vida en pequenos grupos, descubrimento e aceptación progresiva das responsabilidades e formación na autoxestión e confianza nun mesmo. Todo isto por medio dunha formación na que se alternará teoría con actividades e xogos atractivos e variados. O escutismo debe concebirse como un xogo no que o voluntariado ten un papel protagonista e sexa capaz de responsabilizarse do seu propio desenvolvemento.

Os materiais que se repartirán estarán adaptados as idades da mocidade marcando os obxectivos de progreso persoal acorde as capacidades de cada franxa de idade.

Este módulo pretende abordar a figura do voluntario/a no contexto da violencia de xénero. Búscase que o persoal voluntario sexa coñecedor de conceptos básicos en igualdade de xénero, profundando na importancia que ten coñecer o significado do feminismo e como afectan os roles e estereotipos de xénero as mulleres.
Tamén coñeceremos as orixes da violencia de xénero, o amor romántico e os ciclos da violencia en parella.
Finalmente dotaremos de recursos e ferramentas á mocidade voluntaria para que poidan previla e afrontala dende as boas prácticas.

A xornada é flexible, progresiva e ten continuidade, unha vez rematada a xornada o voluntariado ten acceso a información en calquera momento a través dos manuais e materiais que lles facilitamos as persoas participantes na xornada.

2. Xornada de convivencia lúdica na natureza a través dunha actividade de rafting no río Ulla facilitando a integración de novos voluntarios/as no grupo.

Nesta xornada farase uso do xogo como ferramenta que contribúe a acción, imaxinación, aventura, diversión, asociación en equipos, reparto de papeis respectando a igualdade de xénero e respecto das normas. Traballaremos valores de traballo en equipo, igualdade, participación e cohesión do grupo coa natureza, xa que dende o escutismo búscase que a xuventude teña a oportunidade de experimentar e conectarse coa contorna, en igualdade de oportunidades, sendo este un dos principais elementos do método Scout.